फोंडा: ताकार - दावकोण येथील दूधसागर नदीत गुरुवारी संध्याकाळी उशिरा आंघोळीसाठी पाण्यात उतरलेला अनिल बाळेगाळ (३२, वास्को) या तरुणाचा मृतदेह शुक्रवारी सकाळी पाण्यात आढळून आला. फोंडा अग्निशमन दलाच्या कर्मचाऱ्यांनी मृतदेह पाण्यातून बाहेर काढल्यानंतर मृतदेह वैद्यकीय तपासणीसाठी मडगाव येथील इस्पितळात नेण्यात आला.

गुरुवारी संध्याकाळी आपल्या मित्रांसोबत नदीत आंघोळ करताना अनिल बाळेगाळ हा युवक बुडाला. अग्निशमन दलाच्या कर्मचाऱ्यांनी शोध घेतला, पण रात्रीची वेळ असल्याने शोधकार्य बंद करण्यात आले होते. या घटनेमुळे परिसरात भितीचे वातावरण पसरले असून पर्यटकांना नदीत उतरण्यास बंदी घालावी, अशी स्थानिकांची मागणी आहे.सकाळी पुन्हा शोध घेतली असता त्याचा मृतदेह सापडला. कुळेचे पोलिस निरीक्षक राघोबा कामत यांच्या मार्गदर्शनाखाली घटनेचा पंचनामा करण्यात आला आहे.