कडक उन्हाच्या झळा सोसणाऱ्या गोमंतकीयांसाठी एक महत्त्वाची आणि काहीशी दिलासादायक बातमी आहे. हवामान विभागाने दिलेल्या ताज्या माहितीनुसार, 18 आणि 19 मार्च 2026 रोजी गोव्यात वरुणराजा हजेरी लावणार आहे. गेल्या काही दिवसांपासून गोव्यातील तापमानात सातत्याने वाढ होत असून उकाड्याने नागरिक हैराण झाले आहेत. मात्र, या अवकाळी पावसामुळे हवामानात तात्पुरता बदल होऊन तापमानात काही प्रमाणात घट होण्याची चिन्हे आहेत. गोव्यात 18 आणि 19 मार्च रोजी 'यलो अलर्ट' घोषित करण्यात आला.