राज्यात गेल्या काही दिवसांपासून मुसळधार पावसाने जोरदार हजेरी लावत जनजीवन विस्कळीत केले होते. अनेक भागांत जोरदार सरी, पाणी साचणे आणि वाहतुकीवर परिणाम झाल्याचे चित्र पाहायला मिळाले. मात्र सध्या पावसाचा जोर काहीसा कमी झाला असून नागरिकांना तात्पुरता दिलासा मिळाला आहे. हवामान विभागाच्या अंदाजानुसार शुक्रवारपासून पुढील सहा दिवस राज्यातील विविध भागांत मध्यम स्वरूपाच्या पावसाची शक्यता वर्तविण्यात आली आहे.