Water Problem At Bicholim:

मुसळधार पाऊस पडत असूनही डिचोली कुंभारवाडा परिसरात पाण्याच्या समस्येने उग्र रूप धारण केले आहे. पाईपलाईन दुरुस्ती कामामुळे नागरिकांना पाण्याची समस्या भेडसावत आहे. विशेषत: गृहिणी वर्गाला हा त्रास सोसावा लागत आहे. गेले आठवडाभर पाण्याचा हा खेळखंडोबा सुरू आहे असे नागरिकांनी सांगितले. वॉल्व्ह दुरुस्ती कामामुळे पाणी वाया जात असताना घरच्या नळांना पाणी नाही अशी अवस्था झाली आहे. नागरिकांना आता टँकरवरती अवलंबून राहावे लागणार आहे.