मडगाव: विलक्षण प्रतिभेने कोकणी नाटकाला कलाटणी देणारे कल्पक दिग्दर्शक दिगंबर सिंगबाळ (७१) यांचे आज सांतिनेज-पणजी येथे निधन झाले. एक प्रसिद्ध चित्रकार आणि नाटककार अशी ओळख असलेले सिंगबाळ हे व्यवसायाने कला शिक्षक होते. ते अविवाहित होते.

मागचा काही काळ ते आजारी होते. सांतीनेज येथे ते आपल्या बहिणी बरोबर रहायचे. गोवा कला महाविद्यालयात ते पेंटिंग विभागातील सहाय्यक प्रोफेसर म्हणून ते निवृत्त झाले. त्यांच्या हाताखालून अनेक चित्रकार तयार झाले तरी त्यांची खरी ओळख होती ती एक निष्णात असे नाट्य दिग्दर्शक हीच. राज्य सरकारने २०१३ साली त्यांचा राज्य सांस्कृतिक पुरस्कार देऊन गौरव केला होता.