गोव्याचं राजकारण पुन्हा एकदा तापलं आहे. कॉंग्रेसचे दक्षिण गोव्याचे खासदार विरियातो फर्नांडिस यांनी राज्याचे मुख्यमंत्री डॉ. प्रमोद सावंत यांच्यावर सडकून टीका केली. पोलिसांनी कारवाईचे आदेश देण्याचे नैतीक धाडस मुख्यमंत्र्यांकडे नाही. कारण पोलिसांची पदे भरण्यासाठी किती पैसे घेतले जातात हे सर्वांना माहिती आहे. साखळीत जाऊन कोणत्या महिलेला पैसे द्यावे लागतात हे सर्वांना ठाऊक आहे, असे म्हणत विरियातो यांनी मुख्यमंत्र्यांचा समाचार घेतला.