राज्यात सध्या सनबर्न फेस्टिव्हलच्या आयोजनावरुन राजकारण चांगलंच तापत चाललं आहे. दरवर्षी सनबर्न मोठ्या उत्सव मोठ्या उत्साहात साजरा केला जातो. मात्र यंदाचा सनबर्न फेस्टिव्हल वादाच्या भोवऱ्यात अडकला आहे. गोवा फॉरवर्ड पक्षाचे प्रमुख आणि आमदार विजय सरदेसाई सातत्याने या फेस्टिव्हलच्या आयोजनावरुन सरकारला धारेवर धरत आहेत. सरकारला आता उत्तर गोव्यातील ड्रग्ज संस्कृती दक्षिण गोव्यात आणायची असल्याचा गंभीर आरोप सरदेसाईंनी केला.

दरवर्षी वागतोरमध्ये सनबर्न फेस्टिव्हलचे आयोजन होते. मात्र आयोजकांनी सनबर्न यावर्षी दक्षिण गोव्यात साजरा करायची असल्याची घोषणा केल्यानंतर राजकारणाला सुरुवात झाली. सरदेसाई पुढे म्हणाले की, दक्षिण गोव्यात सरकारने सनबर्न नावाचे पिल्लू सोडले आहे. दक्षिण गोव्यातील लोकांवर सरकारने सनबर्न लादू नये.