रेल्वे सुरक्षा दलाने (RPF) मडगाव रेल्वे स्थानकावर अमली पदार्थांविरुद्ध मोठी मोहीम राबवत एका आंतरराज्य ड्रग्ज रॅकेटचा पर्दाफाश केला. या कारवाईत पोलिसांनी सुमारे 7.4 किलो गांजा जप्त केला असून त्याचे बाजारमूल्य लाखो रुपयांच्या घरात असल्याचे सांगण्यात येत आहे.

मिळालेल्या गुप्त माहितीच्या आधारे आरपीएफच्या पथकाने स्थानकावर संशयास्पदरित्या फिरणाऱ्या व्यक्तींची तपासणी केली. यावेळी एका प्रवाशाच्या बॅगेत गांजाचे पाकीट लपवून ठेवल्याचे आढळून आले. पोलिसांनी आरोपीला तात्काळ ताब्यात घेतले असून, हा साठा गोव्यात विक्रीसाठी आणला होता की इतरत्र पाठवला जाणार होता, याचा तपास सुरु आहे.