वाळपई शहरात गेल्या काही दिवसांपासून पाणीपुरवठा खात्यातर्फे नवीन पाण्याची पाईपलाइन टाकण्याचे काम सुरू असताना, संध्याकाळी वाळपई ठाणे मार्गावरील म्हाऊशीकडे जाणाऱ्या रस्त्यावर मोठी दुर्घटना घडली. जेसीबीने रस्ता खोदत असताना पाण्याची पाईपलाइन फोडल्यामुळे मोठ्या प्रमाणात पाण्याची नासाडी झाली. या वाया गेलेल्या पाण्यामुळे रस्ता चिखलमय झाला. परिणामी, चिखलामुळे दोन दुचाकीस्वार घसरून किरकोळ जखमी झाले. रात्रभर पाणी वाहत असल्याने नागरिकांनी पाणीपुरवठा खात्याच्या कामावर आणि झालेल्या असुविधेवर तीव्र संताप व्यक्त केला आहे.