वाळपई: नाणूस-सत्तरी येथील एका स्क्रॅपयार्डमध्ये बनावट आधारकार्डसह एका तरुणाला वाळपई पोलिसांनी अटक केली. उत्तर प्रदेशातील मोहम्मद इर्शाद (१९) असे अटक केलेल्या तरुणाचे नाव असून, तो तीन आठवड्यांपूर्वी गोव्यात आला होता. इस्तियाक अकबर अली शाह यांच्या स्क्रॅपयार्डमध्ये तो काम करत होता.

मंगळवारी दुपारी पोलिसांनी तपासणी केली. त्यावेळी इर्शादच्या ताब्यात संशयास्पद बनावट आधारकार्ड आढळून आले. त्यानंतर त्याची चौकशी करून त्याला अटक केली. याप्रकरणी गुन्हा क्रमांक ६४/२०२५ नोंदवून, कलम ३३६(२), ३३७ व ३३९ नुसार पुढील तपास सुरू आहे. इर्शादला तीन दिवसांची पोलिस कोठडी देण्यात आली आहे.