पाटो पणजी: पाटो पणजी येथील पुलावर लोखंडी प्लेट्स घालण्याचं काम सुरु होतं. काल (दि.5 नोव्हेंबर) रात्रीपर्यंत पणजीत हे काम सुरूच होतं मात्र आता कामगार काम अर्धवट सोडून निघून गेल्याने पणजीत आज मोठ्या प्रमाणात वाहतुकीची कोंडी झाली. पणजी शहरातील हा मुख्य रस्ता असल्याने लहान मुलं तसेच कामावर जाणाऱ्या नोकरदार वर्गाकडून या रस्त्याचा वापर केला जातो आणि आता काम अर्थवट राहिल्याने इथे अपघात होण्याची शक्यता वाढली आहे. आज (दि. 6 नोव्हेंबर) रोजी राज्याचे मुख्यमंत्री डॉ. प्रमोद सावंत देखील पाटो पणजी येथील पुलावर काहीकाळ अडकले होते.