Porvorim Water Supply updates

पणजी: तिळारीच्या डाव्या कालव्यातून सोडलेले गढूळ पाणी आज दुपारी सव्वातीन वाजता पर्वरी जलशुद्धीकरण प्रकल्पाच्या जलाशयात पोहोचले. त्‍यामुळे उद्या गुरुवारी सकाळी पर्वरीच्या सर्व भागाला सुरळीत पाणीपुरवठा होण्याचा मार्ग मोकळा झाला आहे.

पर्वरीला आजही सुरळीत पाणीपुरवठा झाला नव्हता. आमठाण्यातून अस्नोडामार्गे येणारे पाणी पर्वरीत दोन ठिकाणी येण्याची व्यवस्था आहे. तेथून त्याचा उपसा करून ते पाणी पुरविले जाते. दरम्‍यान, पर्वरीत १५ दशलक्ष लिटर क्षमतेचा जलप्रकल्प आहे. आठ तासांत एवढे पाणी शुद्ध करण्याची त्याची क्षमता आहे.