Goa Crime News: माटोजे शिगाव येथील वीज खात्याचा बंच केबल चोरताना वाहना सहीत तीघाजणांना ग्रामस्थ व वीज खात्याच्या कर्मचाऱ्यानी रंगेहात पकडून कुळे पोलिसांच्या स्वाधीन केले. पोलिसांनी दिलेल्या माहितीनुसार माटोजे शिगाव येथे वीज खात्याचा बंच केबल काढून ठेवलेला होता. तो चोरी करुन नेण्यासाठी हे चोरटे आले, ते रिक्षात केबल घालून पळून जाण्याच्या तयारीत असताना वीज खात्याचे कर्मचारी रामदास वेळीप व ग्रामस्थांनी आमजा नयब हुसेन (वय १७), आयन सिद्दकी (वय २३) व रवी कुमार (वय ४०) (सर्वजण बेतोडा येथील आहे) वीज खात्याचे कर्मचारी रामदास वेळीप यांनी ग्रामस्थांच्या सहकार्याने त्यांना पकडून ठेवले व याची संपूर्ण माहिती आपल्या जेष्ठ अधिकाऱ्याला दिली. कुळे पोलिस लगेच घटनास्थळी आले व सर्वांना ताब्यात घेतले. कुळे पोलीस निरीक्षक राघोबा कामत यांच्या मार्गदर्शनखाली उपनिरीक्षक हरीश नाईक तपास करीत आहे.