थिवी येथे कोमुनिदादच्या 2 लाख चौमी. जागेत ‘वर्ल्ड पीस युनिव्हर्सिटी’ स्थापण्याच्या प्रस्तावाला थिवी ग्रामस्थांकडून कडाडून विरोध केला आहे. थिवी येथे येणाऱ्या या वर्ल्ड पिस युनिव्हर्सिटीच्या विषयावरून रविवारी (7 ऑक्टोबर) ग्रामपंचायतीत खास बैठक घेण्यात आली. या बैठकीत ग्रामस्थांकडून या प्रकल्पाला विरोध दर्शविला तसेच या प्रकल्पामुळे नैसर्गिक संपदेला हानी पोहचण्याची चिंता ग्रामस्थांनी यावेळी व्यक्त केली आहे. या बैठकीस सरपंच. उपसरपंच यांच्यासह इतर ग्रामस्थ उपस्थित होते.