राज्यातील वाढत्या चोरींच्या घटनांना आळा घालण्यासाठी पोलिस युद्धपातळीवर काम करत आहे. यातच पर्वरी पोलिसांनी पकडलेल्या मास्कधारी टोळीने 7 महिन्यांत सुमारे 70 हून अधिक घरांत चोरी केली. फेब्रुवारी ते सप्टेंबर या काळात या टोळीने कोट्यवधी रुपयांचा ऐवज लुटला. दरम्यान, बार्देश, तिसवाडी, फोंडा आणि मुरगाव तालुक्यांतील बंगले आणि फ्लॅटना त्यांनी लक्ष्य बनवले. चोरी प्रकरणी आणखी दोघांना अटक झाली. दरम्यान मारीयो सांताना बाप्तिस्ता ऊर्फ सांतान याने चौकशी दरम्यान पोलिसांना आपणच मुख्य सूत्रधार असल्याचा कबुलीजबाब दिला आहे.