Colvale Car Accident

म्हापसा: तार-कोलवाळ येथे कारने दुचाकीला ठोकल्याने झालेल्या अपघातात कडशाल-नादोडा येथील दुचाकीस्वार झरीना डिसोझा (४३) व त्‍यांची मुलगी लेरिसा डिसोझा (१३) गंभीर जखमी झाली. या अपघातास कारणीभूत कारचालक आकाश लिंगुडकर (२३, रा. माडेल-थिवी) यास पोलिसांनी अटक केली.

हा अपघात आज मंगळवारी सांयकाळी साडेसातच्‍या सुमारास घडला. जखमी माय-लेक या जीए ०३ एएस ८३३० क्रमांकाच्या दुचाकीवरून कोलवाळहून नादोडा येथे घरी जात होत्या. तर विरुद्ध दिशेने रेवोड्याहून जीए ०३ एएफ ३८३० क्रमांकाची बालेनो कार येत होती. तार-कोलवाळ येथे दुचाकी पोहोचताच भरधाव कारने दुचाकीला धडक दिली. या धडकेमुळे दुचाकीवरील दोघीही रस्त्यावर कोसळल्या व गंभीर जखमी झाल्‍या. कारच्या दर्शनी भागाखाली दुचाकी अडकली. अपघातानंतर कारमधील दोघांनाही पळ काढण्याचा प्रयत्न केला. तेव्हा जमावाने एकाला पकडून चोप दिला तर दुसरा निसटण्यास यशस्वी ठरला.