ऐन चतुर्थीचा उत्सव तोंडावर असतानाच राज्यात असोला नारळ महाग झालाय. डिचोलीच्या बाजारात हा शंभर रुपये प्रति नारळाच्या किमतीने विकला जातोय. गेल्यावर्षी याच काळात पन्नास रुपयांच्या किमतीत विकला जाणारा नारळ आता मात्र टंचाईमुळे दुप्पट झाला आहे. असोला नारळ म्हणजे जमिनीवर न टाकता माडाच्या झाडावरून काढलेला नारळ, ज्याला पूजेत भरपूर महत्व आहे. चतुर्थीच्या काळात याच नारळाचं महत्व वाढतं आणि म्हणूनच या किमती मोठी गगनभरारी घेण्याची शक्यता आहे.