राज्यात सध्या गणेशोत्सवाचा माहोल आहे. याचदरम्यान शिवोलीत धक्कादायक बातमी समोर आली आहे. ऐन गणेशोत्सवात चोरट्यांनी मोठा डल्ला मारला. चोरट्यांनी शिवोलीतील 6 घरे फोडून रोख रखमेसह लाखोंचा मुद्देमाल लंपास केला. पोलिसांनी घटनास्थळी पोहोचून पंचनामा केला आहे. वार्का येथेही चोरट्यांनी मोठा हात साफ केला. वार्कातील फार्मसीसह पाच दुकाने चोरट्यांनी फोडून रोख रकमेसह लाखोंचा मुद्देमाल लंपास केला. मडगावातही एका मिठाईच्‍या दुकानाचे शटर उघडून रोख रक्कम व दुकानातील मिठाई चोरुन नेली. सर्व लोक गणेशोत्सवाच्या तयारीत व्यस्त असतानाच मडगावात पालिका इमारतीच्या मागील बाजूला पोलिस स्थानकापासून जवळच असलेल्‍या पंजाबी लस्सी या मिठाई दुकानाचे शटर गुरुवारी रात्री चोरट्यांनी दुकानातील पाच हजारांची रोकड तसेच मिठाई लंपास केली.