South Goa Zilla Panchayat Vice President Siddharth Dessai

सासष्टी: दक्षिण गोवा जिल्हा पंचायतीच्या उपाध्यक्षपदी बिनविरोध निवडून आलेल्या शेल्डे येथील जिल्हा सदस्य सिद्धार्थ गावस देसाई यांनी आज पदभार सांभाळला. आज उपाध्यक्ष निवडीसाठी दक्षिण गोवा जिल्हा पंचायतीची बैठक बोलावण्यात आली होती. जिल्हा पंचायतीचे मुख्य कार्यकारी अधिकारी गौरीश शंखवाळकर यांनी देसाई यांचा एकमेव अर्ज आल्याने त्यांचीच उपाध्यक्षपदी निवड झाल्याचे जाहीर केले. सिद्धार्थ यांना सुरेश केपेकर यांनी अनुमोदन दिले होते. उपाध्यक्षपदी निवड घोषित झाल्यावर संजना वेळीप, सीईओ गौरीश शंखवाळकर, सुवर्णा तेंडुलकर, खुशाली वेळीप यांनी अभिनंदन केले.