डिचोली: शणै गोंयबाब यांच्या १४८व्या जयंतीनिमित्त आज (सोमवारी) आयोजित ‘जयंती उत्सव’ सोहळ्यात मुख्यमंत्री प्रमुख पाहुणे या नात्याने बोलत होते. गोवा कोकणी अकादमी आणि डिचोली लायन्स क्लबच्या सहकार्याने डिचोली कोकणी सेवा केंद्रातर्फे सोमवारी (ता.२३) येथील हिराबाई झांट्ये स्मृती सभागृहातील स्व. चिदंबर वर्दे वालावलीकर व्यासपीठावर हा सोहळा आयोजित करण्यात आला होता.

जयंती सोहळ्याच्या उद्‌घाटनावेळी आमदार डॉ. चंद्रकांत शेट्ये, स्वागताध्यक्ष प्रशांत चणेकर, नगराध्यक्ष विजयकुमार नाटेकर यांच्यासह गोवा कोकणी अकादमीचे अध्यक्ष डॉ. पूर्णानंद च्यारी, डिचोली कोकणी सेवा केंद्राचे अध्यक्ष रूपेश ठाणेकर, राजभाषा संचालनालयाचे उपसंचालक अनिल सावंत आदी उपस्थित होते. रूपेश ठाणेकर यांनी प्रास्ताविक केले. प्रशांत चणेकर यांनी स्वागतपर भाषण केले. सूत्रसंचालन राजेंद्र उसपकर यांनी केले. सायंकाळच्या सत्रात कोकणीवरील परिसंवाद, प्रश्नमंजूषा आदी विविध स्पर्धा घेण्यात आल्या.