फोंडा: फोंड्यातील ज्येष्ठ रंगकर्मी, सामाजिक कार्यकर्ते तसेच कला मंदिरचे माजी उपाध्यक्ष अजित शेणवी केरकर यांचे शनिवारी पहाटे सुमारे अडीच वाजण्याच्या सुमारास हृदयविकाराच्या झटक्याने निधन झाले. निधनसमयी त्यांचे वय ७४ वर्षे होते.
रंगभूमी, सांस्कृतिक क्षेत्र आणि सामाजिक कार्यामध्ये त्यांनी अनेक वर्षे मोलाचे योगदान दिले. कला मंदिरच्या विविध उपक्रमांमध्ये त्यांनी सक्रिय सहभाग घेतला होता. त्यांच्या निधनामुळे फोंडा परिसरातील सांस्कृतिक क्षेत्रावर शोककळा पसरली असून अनेकांनी त्यांच्या निधनाबद्दल दुःख व्यक्त केले आहे.
त्यांच्या पश्चात कुटुंबीय, नातेवाईक तसेच मोठा मित्रपरिवार आहे. त्यांच्यावर आज, शनिवार दि. ६ रोजी दुपारी अंत्यसंस्कार करण्यात येणार आहेत. अजित शेणवी केरकर यांच्या निधनाने फोंड्यातील सांस्कृतिक आणि नाट्य क्षेत्रातील एक ज्येष्ठ व्यक्तिमत्त्व काळाच्या पडद्याआड गेले आहे. त्यांच्या कार्याची आठवण कायम राहील.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.