हवामान खात्याकडून आज (1 ऑगस्ट) रेड अलर्ट जारी केला होता. राज्यात मुसळधार पावसाने हजेरी लावली असून सर्वत्र पूरस्थिती निर्माण झाली आहे. या पार्श्वभूमीवर उत्तर गोवा जिल्हाधिकारी स्नेहा गीते यांनी साखळीतील पूरस्थितीची पाहणी केली. सर्व परिस्थिती नियंत्रणात असून लोकांनी चिंता करू नये. आपत्कालीन यंत्रणा सज्ज ठेवली असून संपर्क क्रमांकही जारी करण्यात आल्याची माहिती जिल्हाधिकाऱ्यांनी यावेळी दिली आहे.