पणजी: गोवा रिअल इस्टेट रेग्युलेटरी प्राधिकरणाकडे (गोवा रेरा) डीएलएफ एक्सक्लुझिव्ह फ्लोअर्स प्रा. लि. आणि भामिनी रिअल इस्टेट डेव्हलपर्स प्रा. लि. या दोन विकसकांनी आपल्या ‘द बे व्ह्यू’ या रिअल इस्टेट प्रकल्पाची नोंदणी मागे घेण्यासाठी/रद्द करण्यासाठी अर्ज सादर केला आहे. हा प्रकल्‍प रेईश मागूशमधील डीएलएफ प्रकल्प म्हणून ओळखला जात असून तो रद्द केला जात असल्याची चर्चा आहे.

या प्रकल्पासाठी गेल्या अनेक वर्षांपासून स्थानिकांकडून विरोध करण्यात येत होता. स्थानिक ग्रामस्थांनी आणि पर्यावरणप्रेमींनी याला विरोध करत न्यायालयात खटले दाखल केले होते. काही बाबतीत न्यायालयीन आदेश व निर्णयही आले होते. या पार्श्वभूमीवर अखेर डीएलएफ कंपनीने हा संपूर्ण प्रकल्प गुंडाळण्याचा निर्णय घेतल्याची चर्चा आहे.