पणजी: कोकण रेल्वे मार्गावरील उतोर्डा येथे शुक्रवारी (दि. १८ एप्रिल) सकाळच्या सुमारास एक महिलेचा मृतदेह रेल्वे रुळाजवळ आढळला. या घटनेमुळे परिसरात एकच खळबळ उडाली असून स्थानिक पोलिसांनी तात्काळ घटनास्थळी धाव घेतली आहे. पोलिसांनी दिलेल्या माहितीनुसार, मृत महिलेचे नाव मारिया फातिमा दुरादो (वय ५९) असं असून, ती माजोर्डा येथील ग्रॅब्रियल क्रुझवाडा भागात राहत होती. महिलेचा मृत्यू रेल्वेच्या धडकेत झाल्याचं समोर आलं आहे.