केपे: केपे-शिरवई परिसरात सोमवारी (दि.12) एक धक्कादायक घटना घडली आहे. एका मुलाने मुलीवर चाकूने हल्ला केल्याची प्राथमिक माहिती समोर येत आहे. हल्ल्यात गंभीर जखमी झालेल्या मुलीला तातडीने उपचारासाठी जिल्हा रुग्णालयात दाखल करण्यात आले आहे. तिची प्रकृती सध्या कशी आहे, याबद्दल अधिक तपशील उपलब्ध नाही.

पोलिसांनी दिलेल्या माहितीनुसार, दोघांमध्ये काही कारणांमुळे बाचाबाची झाली होती. या घटनेतील आरोपी मुलाची ओळख पटली असून केपे पोलीस या प्रकरणाचा अधिक तपास करत आहेत. हल्ल्याचे नेमके कारण काय होते आणि यामागे आणखी कोणाचा सहभाग आहे का, याचा शोध पोलीस घेत आहेत.