बोणबाग-बेतोडा परिसरात शुक्रवारी (१९ सप्टेंबर) रात्री उशिरा गांजा बाळगल्याप्रकरणी फोंडा पोलिसांनी छापा टाकून एका तरुणाला अटक केली. अतुल अशोक अस्काऊकर (वय २४, रा. देऊळवाडा- बोरी) असे अटक करण्यात आलेल्या तरुणाचे नाव आहे.

पोलिसांनी दिलेल्या माहितीनुसार, गुप्त माहितीच्या आधारे बोणबाग-बेतोडा परिसरात सापळा रचण्यात आला होता. दरम्यान, संशयित अतुल अस्काऊकर याच्याकडे झडती घेतली असता २,१३,००० रुपयांचा सुमारे २१ किलो गांजा मिळून आला. पोलिसांनी तत्काळ कारवाई करून त्याला अटक केलीय.