चिंबल: गोव्यात पिटबुल सारख्या हिंस्त्र कुत्र्यांवर बंदी असताना देखील रविवार (दि.२७) रोजी एका पिटबुल कुत्र्याने एका १० वर्षांच्या लहानग्या मुलीवर हल्ला केला. इंदिरानगर, चिंबल येथे झालेल्या या प्रकरणात कुत्रीच्या मालकाविरोधात तक्रार दाखल करण्यात आली आहे. सध्या जखमी मुलीला बांबोळी येथील गोवा वैद्यकीय महाविद्यालयात दाखल करण्यात आलेय. राज्यात काही दिवसांपासून पिटबूल सारख्या कुत्र्यांवर बंदी असून, परदेशातून अशा कुत्र्यांच्या प्रजाती आणण्यावर रोख लावली गेली आहे, मात्र जे कुत्रे सध्या राज्यात आहेत त्यांची पूर्ण जबाबदारी मालकांवर सोपवण्यात आली आहे.