उत्तर गोवा पोलिसांनी अमली पदार्थांच्या तस्करीविरोधातील मोहीम तीव्र करत नोव्हेंबर २०२६ पर्यंत एकूण ७४ गुन्हे दाखल केले आहेत. या कारवायांमध्ये आतापर्यंत ९४ आरोपींना अटक करण्यात आली असून, त्यामध्ये २६ गोमंतकीय, ५४ बिगरगोमंतकीय आणि १४ परदेशी नागरिकांचा समावेश आहे.

पोलिसांनी या मोहिमेअंतर्गत सुमारे १,९२,७३,४२० रुपये किमतीचा एकूण ४९ किलो २२६ ग्रॅम २८० मिलीग्रॅम अमली पदार्थांचा साठा जप्त केला आहे. अमली पदार्थांच्या बेकायदेशीर हालचालींवर कठोर कारवाई करण्यास पोलीस कटिबद्ध असून, अशा प्रकारची माहिती नागरिकांनी पोलिसांना द्यावी, असे आवाहन करण्यात आले आहे.