मडगाव : चर्चमध्ये रविवारची प्रार्थना आटोपून घरी जात असताना एका ६१ वर्षीय जेष्ठ महिला नागरिकाच्या गळ्यातील सोनसाखळी हिसकावून चोरट्याने पळ काढला. रविवारी भर दिवशी सकाळी साडेनऊच्या दरम्यान ही घटना घडली. चोरीला गेलेल्या सोनसाखळीची किमंत एक लाख वीस हजार इतकी आहे. महिला डोंगरी नावेली येथील असून इनोसेंट गोम्स त्यांचे नाव आहे. त्या सकाळी नावेली येथील चर्च मध्ये प्रार्थनेसाठी गेल्या होत्या. घरी परत जात असताना, दुचाकीवर आलेल्या दोघांनी त्यांच्या गळ्यातील सोनसाखळी हिसकावून पोबारा केला. या प्रकरणी गोम्स यांनी मडगाव पोलिस ठाण्यात तक्रार नोंद केली.