दक्षिण गोव्यात काणकोण येथे गोवा सरकारकडून नवे रवींद्र भवन उभारण्यात आले. या भवनाचे मुख्यमंत्री डॉ. प्रमोद सावंत यांच्या हस्ते उद्धाटन सोहळा पार पडला. काणकोण येथील या रवींद्र भवनाला भारतरत्न दिवंगत लता मंगेशकर यांचे नाव देण्यात आले. तर, सभागृहाला संजय बांदेकर यांचे नाव देण्यात आले. पण याचदरम्यान, सावंत सरकारमधील मंत्री गोविंद गावडे आणि सभापती रमेश तवडकर यांच्यातील शाब्दीक चकमक उपस्थितांना पाहायला मिळाली. मंत्री गावडे यांनी सभापती रमेश तवडकर यांना नाव न घेता टोला मारला. त्यानंतर सभापती तवडकरांनीही आपल्या भाषणातून गावडे यांचा समाचार घेतला. त्यांच्यातील ही शाब्दीक चकमक चांगलीचं रंगली दिसली.