राज्यात गेल्या काही दिवसांपासून पावासानं हाहाकार माजवला आहे. अनेक ठिकाणी सध्या पूरसदृश्य स्थिती आहे. नद्या दुथडी भरुन वाहतायेत. ठिकठिकाणी रस्त्यांची दुरावस्था पाहायला मिळत आहे. तर अनेक ठिकाणाहून पडझडीच्या घटना समोर आल्या आहेत. यातच आता, पाजीफोंड, मडगाव येथे भूस्खलनासारखी घटना समोर आली आहे. आजूबाजूच्या इमारती आणि बांधकामांना धोका निर्माण झाला आहे. सुरक्षेखातर काही लोकांना दुसरीकडे हालवण्यात आले आहे. देशात सध्या केरळमधील वायनाड येथील भूस्खलनाची घटना चर्चेत असताना मडगावात भूस्खलनासारखी घटना समोर आल्याने भिती निर्माण झाली आहे.