नवीन वर्षातील पहिला सण असणाऱ्या मकरसंक्रांतीच्या पार्श्वभूमीवर डिचोलीतील विविध बाजारपेठांमध्ये खरेदीसाठी महिलांची मोठी गर्दी पाहायला मिळत आहे. तिळगुळ, हळदी-कुंकवाच्या वस्तू तसेच वाणासाठी लागणाऱ्या साहित्याची खरेदी जोरात सुरू असून बाजारपेठांमध्ये चैतन्याचे वातावरण आहे.

सणाच्या निमित्ताने पारंपरिक वस्तूंना विशेष मागणी वाढली असून तिळगुळ, साखरेच्या रेवड्या, खोबरे, कुंकू, हळद, साड्या, स्टील व प्लास्टिकच्या वस्तूंसह सजावटीच्या साहित्याची खरेदी महिलांकडून मोठ्या प्रमाणावर केली जात आहे.