देशभरात आज (2 ऑक्टोबर) मोठ्या उत्साहात गांधी जयंती साजरी करण्यात आली. गोव्यातही गांधी जयंतीचा उत्साह पाहायला मिळाला. गोवा कॉंग्रेसच्या वतीने गांधी जयंती निमित्त रॅलीचे आयोजन करण्यात आले. तसेच, प्रभातफेरी काढून जनजागृती करण्यात आली. गोवा विधानसभेचे विरोधी पक्षनेते युरी आलेमाव यांनी गोव्याला शांतता आणि एकात्मतेची गरज असल्याचे म्हटले. महात्मा गांधींनी दिलेल्या संदेशांचे पालन करण्याची गरजही यावेळी आलेमाव यांनी बोलून दाखवली.