महाराष्ट्रातून गोव्यात चोरमार्गाने वाहतूक सुरु असल्याचा प्रकार उघडकीस आला आहे. वाहन चालक मुख्य रस्ता सोडून तिलारीच्या कॅनालजवळून गोव्यात येत आहेत. मिळालेल्या प्राथमिक माहितीनुसार दोडामार्ग येथील तपासणी नाका चुकविण्यासाठी हा खटाटोप सुरु असल्याचे दिसून येत आहे. दरम्यान, कच्च्या रस्त्याने येणारी वाहनांमुळे या मार्गावरील घरांवर धुळीचे साम्राज्य निर्माण झाले आहे. या धुळीचा नागरिकांना त्रास होत असून, या प्रकाराची नोंद घेण्याची विनंती केली जात आहे.