सप्टेंबर महिन्याच्या पहिल्याच दिवशी गॅस सिलिंडरचे दर वाढल्याने मोठा धक्का बसला आहे. सिलिंडरच्या दरात आजपासून (1 सप्टेंबर) मोठी वाढ करण्यात आलीय. या दरानुसार, आता व्यावसायिक गॅस सिलिंडरची किंमत 39 रुपयांनी वाढली आहे. त्यामुळे देशभरातील छोट्या-मोठ्या व्यावसायिकांना धक्का बसला असून याचा फटका सर्वसामान्यांनाही बसणार आहे. गेल्या दोन दिवसांपासून गॅस सिलिंडरच्या किमतीत वाढ होणार असे सांगितले जात होते. मात्र आता थेट 39 रुपयांनी गॅस सिलिंडर महाग झाल्याने हा मोठा धक्का मानला जात आहे.