Worker Loses Life in Construction Accident At Anjuna

शिवोली: मोंतेरोवाडा-हणजूण येथे उभारण्यात येत असलेल्या एका इमारतीच्या बांधकामावरून खाली पडल्याने नारायण रॉय (३५) या पश्चिम बंगाल येथील कामगाराचा शुक्रवारी मृत्यू झाला.

या घटनेची माहिती मिळताच हणजूण पोलिसांकडून या घटनेचा पंचनामा करण्यात आला असून मृतदेह उत्तरीय तपासणीसाठी गॉमेकॉत पाठवून दिला आहे. दरम्यान, मुख्यमंत्री डॉ. प्रमोद सावंत यांनी जाहीर केल्याप्रमाणे कामावर अपघाती मृत्यू झालेल्या कामगाराच्या नातेवाईकांना आता थेट आर्थिक मदत मिळणार असून त्यानुसार, मृत नारायण रॉय याच्या नातेवाईकांना राज्य सरकारकडून सर्वप्रथम पन्नास हजार रुपयांची आर्थिक मदत मिळणार असल्याची माहिती आहे.