राज्यात कला अदाकमीचा मुद्दा काही दिवसांपूर्वी चांगलाचं गाजला होता. या मुद्यावरुन विरोधकांनी सावंत सरकारमधील मंत्री गोविंद गावडे यांना घेरले होते. त्यावेळी त्यांनी गावडे यांच्या राजीनाम्याची मागणीही केली होती. यातच आता, एक मोठी अपडेट समोर आली आहे. कला अकादमीच्या नूतनीकरण कामाच्या साधनसुविधांचा आढावा घेण्यासाठी तसेच त्यात सुधारणा आणि दर्जा वाढवण्यासाठी आवश्‍यक त्या शिफारशी करण्यासाठी प्रसिद्ध नाट्यकर्मी विजय केंकरे यांच्या अध्यक्षतेखाली 13 जणांचे कृती दल स्थापन करण्‍यात आले आहे.