देऊळवाडा, हिवरे (सत्तरी) येथे लागलेल्या आगीत एका झोपडीला भीषण आग लागून ती पूर्णपणे खाक झाली. या आगीमध्ये झोपडीसह परिसरातील काजूची झाडेही जळून मोठे नुकसान झाले आहे. घटनेची माहिती मिळताच अग्निशमन दलाने तात्काळ घटनास्थळी धाव घेत आग आटोक्यात आणण्यासाठी मदतकार्य सुरू केले.

अग्निशमन दलाच्या तत्पर कारवाईमुळे आग अधिक पसरू न देता नियंत्रणात आणण्यात यश आले. या आगीत अंदाजे सुमारे ३ लाख रुपयांचे नुकसान झाल्याचा प्राथमिक अंदाज व्यक्त करण्यात आला आहे. सुदैवाने या घटनेत कोणतीही जीवितहानी झाल्याची नोंद नाही.