शिवोलीत 70 वर्षीय महिलेवर बेघर होण्याची वेळ आलीय. गोव्यात गेल्या काही दिवसांपासून सुरु असलेल्या मुसळधार पावसात या महिलेचे माती घर पूर्णत: जमीनदोस्त झाले. प्रेमावती वेर्णेकर असे या महिलेचे नाव आहे. सततच्या पावसामुळे राज्यात विविध ठिकाणी पडझडीच्या घटना घडत आहेत. उत्तर गोव्यात देखील देखील सततच्या पावसाचा फटका बसला. शिवोलीत प्रेमावती वेर्णेकर यांचे घर वादळी वाऱ्यासह सुरु असलेल्या मुसळधार पावसात कोसळले. जुन्या ढाच्यातले मातीचे घर पावसात कोसळल्याने महिलेवर बेघर होण्याची वेळ आली आहे.