राज्यात सध्या पावसानं धूमशान घातलं आहे. सातत्याने पडणाऱ्या पावसामुळे जनजीवन पुरते विस्कळीत झाले आहे. मागील काही दिवसांपासून उघडीप दिलेल्या पावसानं पुन्हा हाहाकार उडवला आहे. राज्यात पावसाची रेकॉर्ड नोंद झाली आहे. राजधानी पणजी, म्हापसा, डिचोलीसह वाळपईत पावसानं जोरदार हजेरी लावली आहे. वाळपईत गेल्या दोन दिवसांपासून मुसळधार सरी बरसतायेत. वाळपईत सतत पडणाऱ्या पावसामुळे रस्ते जलमय झाले आहेत. स्थानिकांना मोठ्या समस्यांचा सामना करावा लागत आहे.