पणजी: गेल्या काही दिवसांपासून गोव्यात पावसाने काहीशी विश्रांती घेतली असली, तरी काही भागांत अधूनमधून पावसाच्या सरी बरसताना दिसत आहेत. दरम्यान, हवामान विभागाने राज्यातील नागरिकांसाठी महत्त्वाचा अंदाज जारी केला असून, २३ ते २९ ऑगस्टदरम्यान पुढील सात दिवस उत्तर गोवा आणि दक्षिण गोव्यात मध्यम स्वरूपाचा पाऊस पडण्याची शक्यता व्यक्त केली आहे. त्यामुळे पावसाचा जोर कमी असला तरी या कालावधीत काही ठिकाणी पावसाच्या सरी पाहायला मिळण्याची शक्यता आहे.