गोवा सरकारच्या विविध खात्यांमध्ये गेल्या १० वर्षांपासून कंत्राटी पद्धतीने सेवा बजावणाऱ्या कर्मचाऱ्यांना कायम करण्याची प्रक्रिया सुरू करण्यात आली आहे, अशी माहिती मुख्यमंत्री डॉ. प्रमोद सावंत यांनी दिली. गोवा कर्मचारी भरती आयोगामार्फत आतापर्यंत सुमारे ३ हजार नोकऱ्या देण्यात आल्या असून, पुढील काळात पारदर्शक पद्धतीने आणखी २ हजार नोकऱ्या उपलब्ध करून दिल्या जाणार असल्याचे त्यांनी सांगितले.