गोव्यातील शेतकऱ्यानं कमाल करुन दाखवलीय. अभिनव शेतीसाठी प्रसिद्ध असलेले रिवण येथील बागायतदार पांडुरंग पाटील यांनी या टरफलांचाही चांगला उपयोग होऊ शकतो हे सिद्ध करत त्‍यापासून स्‍वादिष्‍ट असे जॅम बनवले आहे. कच्च्या जायफळांच्‍या टरफलांपासून जॅम बनवणारे ते देशातील पहिलेच उत्‍पादक बनले आहेत. गोवा सरकारचा कृषीभूषण आणि भारतीय कृषी संशोधन संस्‍थेकडून अभिनव शेतकरी म्‍हणून पुरस्‍कार प्राप्‍त पाटील हे गेली पाच वर्षे हा जॅम बनवत असून आतापर्यंत हा जॅम ते आपल्‍या रिवण येथील फार्मवरच विकत होते.