खांडोळा: गवंडाळी-जुने गोवेतील रस्ता रेल्वे उड्डाण पुलाच्या बांधकामासाठी सोमवार १३ जून पासून बंद करण्यात आला होता. त्यामुळे अनेकाची आज गैरसोय झाली. माशेल-पणजी-वास्कोला जाण्यासाठी गवंडाळी-जुने गोवे हा जवळचा मार्ग असून कुठेही वाहतूक कोंडी न होता, थेट जा-ये करता येते, म्हणून वाहनचालक या रस्त्याचा वापर करतात.

सोमवारी हा रस्ता बंद झाल्यामुळे वाहनचालकांसमोर मोठी अडचण निर्माण झाली होती. ही अडचण समजताच प्रवाशांच्या सोयीसाठी हा रस्ता सकाळी आणि संध्याकाळी वाहतुकीसाठी खुला ठेवण्यासाठी आमदार राजेश फळदेसाई यांनी संबंधिताशी चर्चा केली. त्यामुळे गवंडाळी धावजी रस्ता सकाळी दहा वाजेपर्यंत आणि संध्याकाळी पाचनंतर वाहतुकीसाठी खुला ठेवण्यात आला.