गोव्यात गेल्या काही दिवसांपासून पावसाची संततधार सुरु आहे. राज्यातील दोन्ही जिल्ह्यात पाऊस दररोज हजेरी लावत आहे. पुढील चार दिवसांसाठी हवामान खात्याने यलो अलर्ट जारी केला असून, सतर्कतेचा इशारा देण्यात आला आहे.

दरम्यान, गेल्या दोन दिवासांत झालेल्या पावसाने राय दामोन येथे 6 घरांमध्ये पावसाचे पाणी घुसल्याचा प्रकार उघडकीस आला. एका घरमालकाने ड्रेनेज बंद केल्याने पाण्याचा निचरा होत नाही. यामुळे येथील घरांमध्ये पाणी शिरल्याचे स्थानिकांनी सांगितले.