पणजी: सहाजणांचा जीव घेणाऱ्या जत्रोत्सवातील चेंगराचेंगरीस श्री देवी लईराई देवस्थान समितीही जबाबदार असल्याचे सत्यशोधन समितीने नमूद केल्याचे तीव्र पडसाद शिरगावात उमटले आहेत. ग्रामस्थांनी बैठक घेऊन काहींना यातून वाचवण्याच्या सरकारी प्रयत्नांना कायदेशीर विरोध करण्याचे ठरविले आहे.

शिरगावमधील चेंगराचेंगरीबाबत सरकारने तयार केलेला अहवाल संशयास्पद असून, दुर्घटनेला देवस्थान समितीला जबाबदार धरले आहे. मात्र, हा अहवाल चुकीचा आहे, असा दावा श्री लईराई देवस्थान समितीने केला आहे. अहवालात देवस्थान समितीवर ठपका ठेवण्यात आल्याची माहिती समाज माध्यमावरून व्हायरल होत आहे.