सावंत सरकारच्या गृहआधार योजनेअंतर्गत लाभार्थींना मिळणाऱ्या आर्थिक मदतीच्या रकमेत वाढ करण्यात येणार असून, या वाढीची घोषणा दिवाळीदरम्यान केली जाणार असल्याची माहिती मुख्यमंत्री डॉ. प्रमोद सावंत यांनी दिली. साळगाव व पर्वरी येथे ते बोलत होते. विधानसभा निवडणुकीपूर्वी गृहआधारच्या रकमेत वाढ केली जाणार असल्याचाही त्‍यांनी पुनरुच्‍चार केला. महिलांना आर्थिक आधार देण्यासाठी राबविण्यात येणाऱ्या या योजनेतील सध्याच्या आर्थिक मदतीत वाढ करण्याचा निर्णय सरकारने घेतला आहे.