बेळगाव: गोव्यातील माजी आमदार लावू मामलेदार यांचा शनिवारी (दि. १५ फेब्रुवारी) रोजी बेळगाव येथे मृत्यू झाला. एका स्थानिक रिक्षा चालकासोबत झालेल्या वादानंतर लवू अस्वस्थ झाले आणि यानंतर त्यांना हृदयविकाराचा झटका आल्याची माहिती उघड झाली आहे. समोर आलेल्या व्हिडीओमध्ये दिवंगत माजी आमदार लवू मामलेदार आणि एका रिक्षा चालकामध्ये वाद निर्माण झाल्याचे दिसत आहे.बेळगाव येथील स्थानिक रिक्षा चालकाच्या रिक्षेला गाडीचा धक्का लागल्याने या दोघांमध्ये वाद निर्माण झाला होता अशी माहिती उघड झाली आहे. या व्हिडीओमध्ये रिक्षाचालक लवू यांच्यावर हात उचलताना देखील दिसतोय. दोघांमध्ये झालेल्या बाचाबाचीनंतर माजी आमदार पायऱ्या चढून आत देखील येताना दिसतायत मात्र त्यानंतर त्यांना अचानक हृदयविकाराचा झटका आल्याने जागीच दुर्दैवी मरण आल्याचे स्पष्ट झाले आहे.