गोव्यातील कुडचडे पोलिसांनी 8.48 लाखांच्या ऑनलाइन फसवणुकीप्रकरणी पंजाबमधील मोहाली येथील 28 वर्षीय पीयूष याला अटक केली आहे. या प्रकरणाची नोंद 27 मे 2026 रोजी कुडचडे पोलीस ठाण्यात करण्यात आली होती. पोलिसांच्या माहितीनुसार, आरोपीने ऑनलाइन फसवणुकीच्या माध्यमातून फिर्यादीची लाखो रुपयांची आर्थिक फसवणूक केल्याचा आरोप आहे. आरोपीला ताब्यात घेऊन पुढील तपास सुरू असून, या प्रकरणात आणखी काही धागेदोरे समोर येण्याची शक्यता पोलिसांनी व्यक्त केली आहे.