गोव्यातील गिरी येथील एका 31 वर्षीय महिलेची 2,23,100 रुपयांची फसवणूक केल्याप्रकरणी साळगाव पोलिसांनी एका अज्ञात व्यक्तीविरुद्ध गुन्हा दाखल केला. फसवणुकीच्या या घटनेमुळे परिसरात खळबळ उडाली असून सायबर गुन्हेगारीचा संशय व्यक्त केला जात आहे. मिळालेल्या माहितीनुसार, फसवणूक झालेल्या महिलेने याप्रकरणी तक्रार दिल्यानंतर पोलिसांनी भारतीय न्याय संहिता (BNS) च्या कलम 318 (4) अंतर्गत गुन्हा नोंदवला. अज्ञाताने महिलेला विविध आमिषे दाखवून किंवा तांत्रिक फसवणूक करुन ही रक्कम लुबाडल्याचे प्राथमिक तपासात समोर आले. या प्रकरणाचा अधिक तपास पोलीस करत असून नागरिकांनी अनोळखी व्यवहारांपासून सावध राहावे, असे आवाहन करण्यात आले.